Zamonaviy matematika va uning tatbiqlari;

Ilmiy, texnik va ijtimoiy-iqtisodiy tadqiqotlarda matematik modellashtirish masalalari;

Dasturiy mahsulotlarni yaratish, xavfsizligini ta’minlash va uning istiqbollari;

Ta’lim jarayonini raqamlashtirish, sun’iy intellekt tizimlari va katta ma’lumotlarni tahlil qilish masalalari;

Sizlarni Berdaq nomidagi Qoraqalpoq davlat universitetida O’zbekiston Respublikasi Oliy va o’rta maxsus ta’lim vazirligi bilan hamkorlikdagi 2021 yilning 9-10 noyabr kunlari bo’lib o’tadigan «Tabiiy fanlarni rivojlantirishda axborot-kommunikatsiya texnologiyalarining o’rni» mavzusidagi respublika ilmiy-amaliy anjumaniga taklif qilamiz.

Mazkur konferentsiyada ishtirok etishni istagan professor-o’qituvchilar hamda tadqiqotchilar o’z ilmiy izlanishlari natijasida tayyorlagan ilmiy maqolalarini yuqorida ko’rsatilgan sho’’balar yo’nalishlari bo’yicha o’zbek, qoraqalpoq, rus, ingliz tillarida taqdim etishlari mumkin.

Maqolani rasmiylashtirishga qo’yiladigan talablar: 

Maqola 5 betdan ko’p bo’lmasligi va 1,5 intervalda (chapdan 2,5 sm, yuqoridan va pastdan 2 sm, o’ng tomondan 1,5 sm, varaq bichimi A4 formatda, 210x297mm), Microsoft Word muharririda, matnlar Times New Roman, 14 o’lchamli shriftda bo’lishi talab etiladi. 

Mavzu bosh harflarda qoraytirilib, varaqning o’rtasiga yoziladi, keyingi qatorlarga muallifning ismi-sharifi, ilmiy darajasi yoki ilmiy unvoni, ish joyi qavs ichida, kursiv holatda yoziladi, konferentsiya sho’’basi, telefon raqami ko’rsatiladi, maqola annotatsiyasi maqola matnidan oldin berilishi lozim, annotatsiyadan so’ng kamida 5-7 ta kalit so’z keltirilishi shart; maqola matni kalit so’zlardan keyin ikki interval pastdan berilishi kerak, faylni nomlashda sho’’ba raqami va muallif familiyasi yoziladi. (Masalan: 4_Samandarov.doc)

Maqoladagi ma’lumotlar, faktlar va statistikalarning to’g`riligiga mualliflar mas’uldir. Maqolada jadval (chizma yoki rasm)lar manbalari aniq ko’rsatilishi, qisqartma so’zlarga izoh berilishi lozim. Maqola ichidagi havolalar [1] kabi tartibda belgilanadi. Maqola so’ngida foydalanilgan adabiyotlar foydalanish ketma-ketligi bo’yicha yozilishi kerak. 

Yuqoridagi talablarga javob bermaydigan maqolalar tashkiliy qo’mita tomonidan ko’rib chiqilmaydi va to’plamga kiritilmaydi. 

Maqolalar conference.allpro.uz sayti orqali qabul qilinadi.

Tashkiliy qo’mita manzili:

Berdaq nomidagi Qoraqalpoq davlat universiteti, Nukus shahar Ch.Abdirov ko’chasi 1 uy

Tel: +998612236078

MUROJAAT UChUN TeLeFONLAR:

+998982793018

B.Samandarov

batirbeksamandarov@gmail.com